Tornadot godasin SHBA, qindra-mijëra pa energji elektrike

Të paktën tri tornado goditën komunitetet pranë Çikagos  duke shkatërruar shtëpi, rrëzuar pemë dhe shtylla elektrike, ndërsa stuhitë shkaktuan vonesa të mëdha në trafikun ajror dhe lanë pa energji elektrike qindra-mijëra banorë në rajonet e Midwest-it dhe verilindjes së Shteteve të Bashkuara të Amerikës, sipas AP.

Në qytetin Merrillville të Indianës, rreth 53 kilometra në juglindje të Çikagos, policia paralajmëroi banorët të strehoheshin menjëherë pasi një kolonë e madhe ajri u pa duke zbritur drejt zonës. Në disa zona, rrugët ishin bllokuar nga pemët dhe linjat e rrëzuara të energjisë, shumë shtëpi kishin pësuar dëmtime të rënda, ndërsa një pjesë e çatisë së një shkolle të mesme u shkëput nga era e fuqishme.

Ekipet e emergjencës ndërhynë gjithashtu në qytetin Streator të Illinoisit, ku banorët po përballeshin me pasojat e tornadove. Bashkia hapi një qendër për ribashkimin e familjeve të zhvendosura, ndërsa Kryqi i Kuq ngriti një strehë të përkohshme për të prekurit nga fatkeqësia.

Kryetarja e bashkisë së Streatorit, Tara Bedei, deklaroi se nuk kishte raportime për viktima. “Jemi jashtëzakonisht mirënjohës për sigurinë e banorëve tanë dhe për reagimin e shpejtë të personelit të emergjencës”, tha ajo.

Stuhitë e forta shkaktuan gjithashtu vonesa ose pezullime të fluturimeve në aeroporte të mëdha, përfshirë ato të Çikagos, Filadelfias dhe Nju Jorkut. Në të njëjtën kohë, verilindja dhe rajoni i Atlantikut të Mesëm po përballeshin me temperatura të larta dhe lagështi të madhe.

Mot i ashpër kishte goditur rajonin edhe një ditë më parë. Në Des Moines në Ajova një burrë 54-vjeçar humbi jetën pasi një pemë u rrëzua mbi kampin ku jetonte gjatë stuhisë. Autoritetet nuk raportuan menjëherë viktima apo të plagosur të tjerë nga moti ekstrem.

Në Unionville të Misurit, Shane Tipton arriti të shpëtonte babanë e tij 87-vjeç pak çaste përpara se tornado të shkatërronte plotësisht shtëpinë e tyre të lëvizshme. Familja pa nga distanca se si banesa u copëtua dhe sendet personale u shpërndanë për kilometra të tërë. “Gjithçka është shkatërruar. Nëse gjyshi do të kishte mbetur brenda, nuk do të kishte mbijetuar”. tha mbesa e tij, Kylie Rouse.

Ndërkohë, Shërbimi Kombëtar i Motit paralajmëroi se sistemi i stuhive po lëviz drejt lindjes, ndërsa bregdeti lindor përgatitet për një valë të fortë të nxehti, me temperatura që mund të ndihen deri në 38 gradë Celsius. 

Po ndodh...

16:09 Fjalëkryq

Skemë kinofjalëkryq 12qershor

14:47 AKTUALITET

LISTA E PLOTË/ Grupi i biznesmenëve, SPAK sekuestron miliona euro pasuri, dhjetra apartamente, toka, vila, garazhe...

14:41 SHOWBIZ

Arrestohet aktorja e njohur turke

14:31 POLITIKË

Fletë-arresti për Artur Shehun dhe prona në Zvërnec, Rama: Toka nuk është e askujt, atë investim Vlora e do

Nga Azgan Haklaj 14:26 IDE

Cikloni gjeopolitik dhe paktet e fundit të tranzicionit shqiptar

Nga Azgan Haklaj

13:56 POLITIKË

Ramës 'i kundërvihen' socialistët, Ditmir Bushati: Në PS ka humbur liria! Akuzat për agjentura dhe tallja me protestuesit, lojë me zjarrin

13:42 POLITIKË

Arta Dade refuzon ftesën e Ramës për 35-vjetorin e PS: Socialistët e vërtetë janë në protestë

13:41 AKTUALITET

Megaoperacioni i SPAK, zbulohet “koka" e grupit të trafikut të drogës!

13:29 KOSOVA

Zgjedhjet në Kosovë, Kurti: Jemi të gatshëm për bashkëpunim me partitë e tjera për Presidentin

13:13 POLITIKË

“Rama dhe Berisha në burg, nuk keni shpëtim"/ Sot protesta e 13-të, kërkohet dorëheqja e kryeministrit

13:07 POLITIKË

Protesta e qytetarëve dhe organizimi i 35-vjetorit të PS-së, ja cilat rrugë pritet të bllokohen

Nga Neli Demi 12:52 IDE

Gen Z

Nga Neli Demi

12:32 POLITIKË

Berisha ndryshon përfundimisht qëndrim: PD mbështet protestën, Rama të mos i provokojë rininë dhe qytetarët, të heqë dorë nga anti-mitingu

12:01 SPORT

Aligatorë dhe gjarpërinj pranë kampeve stërvitore, ekipet e Botërorit 2026 përballen me sfida të pazakonta

Dua të lexoj më shumë lajme