Lajme flash
Pa litarë e pa frikë, amerikani ngjit kullën 508 metra të lartë në Tajvan
25 Janar 2026, 19:37 / BOTA
Alpinisti amerikan Alex Honnold realizoi një prej sfidave më të guximshme urbane të kryera ndonjëherë. Pa litar dhe pa asnjë masë tjetër mbrojtëse, ai arriti të ngjisë qiellgërvishtësen Taipei 101 në Tajvan, një prej ndërtesave më të larta në botë.
Vetëm me duar, Honnold arriti në majën 508 metra të lartë të kullës prej çeliku, xhami dhe betoni, me dizajn që i ngjan një kërcelli bambuje. Çdo lëvizje iu besua ekskluzivisht forcës, teknikës dhe përqendrimit absolut të atletit.
Honnold është i njohur si personi i parë që ka ngjitur shkëmbin e granitit El Capitan në Parkun Kombëtar Yosemite në Kaliforni, pa litarë apo pajisje sigurie. Ngjitja ishte planifikuar fillimisht të zhvillohej të shtunën, por u shty për shkak të motit të lagësht.
Sfida e rrezikshme u transmetua drejtpërdrejt në Netflix. Honnold e përfundoi ngjitjen për 1 orë e 31 minuta, mbi dy herë më shpejt se rekordi i personit të vetëm tjetër që ka ngjitur këtë kullë. Francezi Alain Robert arriti majën e Taipei 101-që në atë kohë ishte ndërtesa më e lartë në botë – për katër orë, duke përdorur litarë dhe parzmore.
Po ndodh...
Revolucioni mbaroi, Edi Rama vazhdon i qetë
Nga Bato Kosova
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128