“Luftë” edhe me Europën! Donald Trump përshkallëzon përplasjen mbi gjobat ndaj gjigantëve të teknologjisë

“Hakmarrja” e Donald Trump për Europën, e cila sipas tij nuk e ka ndihmuar aspak në luftën kundrejt Iranit, po përshkallëzohet. Pas paralajmërimeve për të hequr trupat amerikane nga Europa, administrata e Donald Trump po ashpërson tonet kundër politikave rregullatore të Brukselit. Në qendër të debatit janë gjobat miliardëshe të vendosura ndaj gjigantëve amerikanë të teknologjisë, të cilat Uashingtoni i konsideron si një goditje direkte ndaj inovacionit dhe konkurrencës së lirë.

Kompanitë si Google, Apple dhe Meta kanë sfiduar një sërë sanksionesh të vendosura nga Bashkimi Evropian për shkelje të rregullave të konkurrencës dhe antitrustit. Që nga fillimi i vitit 2024, këto gjoba kanë kaluar vlerën totale prej mbi 6 miliardë eurosh, duke e kthyer këtë çështje në një nga pikat më të nxehta të marrëdhënieve transatlantike.

Sipas autoriteteve amerikane dhe vetë kompanive, këto masa pasqyrojnë një qëndrim armiqësor të Evropës ndaj zhvillimit teknologjik, veçanërisht në një kohë kur gara globale për inteligjencën artificiale po intensifikohet. Nga ana tjetër, Komisioni Evropian këmbëngul se ndërhyrjet janë të domosdoshme për të mbrojtur konsumatorët dhe për të garantuar një treg të drejtë dhe konkurrues.

Që nga viti 2024, janë vendosur disa nga sanksionet më të mëdha në historinë e rregullimit dixhital në Evropë:

Mars 2024: 1.84 miliardë euro ndaj Apple për abuzim me pozicionin dominues në shpërndarjen e aplikacioneve muzikore

Nëntor 2024: 797 milionë euro ndaj Meta për praktika që favorizuan Facebook Marketplace

Prill 2025: 500 milionë euro ndaj Apple dhe 200 milionë euro ndaj Meta sipas Aktit të Tregjeve Dixhitale

Shtator 2025: 2.9 miliardë euro ndaj Google për praktika anti-konkurruese në reklamim

Dhjetor 2025: 120 milionë euro ndaj platformës X për shkelje të transparencës

Kërcënimet nga Uashingtoni:

Administrata Trump ka rritur presionin diplomatik dhe ekonomik, duke paralajmëruar masa reciproke ndaj politikave evropiane. Në shkurt, presidenti amerikan nënshkroi një memorandum që hap rrugën për vendosjen e tarifave ndaj vendeve që aplikojnë taksa dixhitale ose gjoba ndaj kompanive amerikane.

Zyrtarë të lartë amerikanë i konsiderojnë këto sanksione si burimin kryesor të tensioneve ekonomike mes dy blloqeve, duke theksuar se në dy dekadat e fundit gjobat ndaj kompanive amerikane kanë arritur në mbi 25 miliardë dollarë. Paralajmërimet shkojnë edhe më tej, sipas Uashingtonit, Evropa rrezikon të mbetet pas në zhvillimin e inteligjencës artificiale nëse vazhdon me një qasje të rreptë rregullatore.

Megjithatë, Brukseli nuk tërhiqet. Komisioni Evropian thekson se gjobat janë një mjet i domosdoshëm për të siguruar respektimin e ligjit dhe për të parandaluar abuzimet në treg. Sipas tij, sanksionet aplikohen vetëm si “zgjidhje e fundit”, kur dialogu dhe negociatat nuk japin rezultat.

Në disa raste, ndërhyrjet kanë sjellë edhe ndryshime konkrete pa pasur nevojë për ndëshkime të mëtejshme, siç është rritja e ndërveprueshmërisë së produkteve të Apple me pajisje konkurruese, në kuadër të rregullave të reja dixhitale.

Po ndodh...

10:21 POLITIKË

Rritja e çmimeve të fruta-perimeve, reagon ministrja e Ekonomisë: Ja kur do të ndërhyjmë dhe kush kategori do të subvencionohen

10:19 AKTUALITET

EMRI/ Ishte në kërkim për një vrasje të kryer në vitin 2022, INTERPOL arreston shqiptarin në Kolumbi! Hetime edhe për lidhjet me trafikantët kolumbianë të drogës

09:55 SPORT

Trabzonspor “kryqëzon gishtat”, Muçi rikthehet në stërvitje

09:53 BOTA

Pezullohen negociatat me SHBA-në, Irani i prerë: Nuk do të ketë bisedime për sa kohë Izraeli sulmon Libanin

09:44 EKONOMI&SOCIALE

Investitorët ndërkombëtarë largohen nga Dubai, zëvendësojnë investimin me prona në Sarandë e Vlorë

09:34 POLITIKË

U dënua për shpërdorim detyre, Vangjush Dako bën rekurs në Gjykatën e Lartë

09:31 AKTUALITET

Kapet me mallra kontrabandë me vlerë 45 mijë euro, arrestohet 26-vjeçari në aksin Elbasan-Tiranë

09:13 KOSOVA

Kuvendi mban sot seancë, temë edhe çmimi i naftës

08:39 AKTUALITET

Tragjike në Delvinë/ Humb jetën 31-vjeçari, e zuri korrenti duke punuar! Së shpejti do të bëhej baba

08:30 BOTA

Netanyahu njoftoi negociata me Libanin, Axios: Do të mbahen javën e ardhshme në Uashington

08:26 EKONOMI&SOCIALE

BIRN: Kontradikta shqiptare me rritjen e parasë në qarkullim dhe inflacionin

08:23 EKONOMI&SOCIALE

Çfarë po ndodh me monedhat e huaja? Ja sa shitet dhe blihet euro dhe dollari për ditën e sotme

08:20 AKTUALITET

Kushte të qëndrueshme atmosferike dhe alternime vranësirash, parashikimi i motit për këtë të premte

08:02 JETË

Horoskopi Ditor E Premte 10 Prill 2026

Dua të lexoj më shumë lajme