Lajme flash
Ish-princi Andrew bëhet anëtari i parë i lartë i familjes mbretërore i arrestuar në historinë moderne
19 Shkurt 2026, 12:54 / BOTA
Andrew Mountbatten-Windsor bëhet anëtari i parë i lartë i familjes mbretërore i arrestuar në historinë moderne.
Veprimi i policisë për prangosjen e tij, erdhi pas zbulimit të mesazheve elektronike nga Departamenti i Drejtësisë i SHBA-së, të cilat duket se tregojnë se ish-duka dhe vëllai i Mbretit Charles ka ndarë raporte për vizita zyrtare në Hong Kong, Vietnam dhe Singapor gjatë viteve 2010-2011, shkruan The Guardian.
Në atë periudhë, ai shërbente si përfaqësues i veçantë i Mbretërisë së Bashkuar për tregtinë ndërkombëtare dhe investimet, sipas dokumenteve që janë bërë publikë së fundmi nga qeveria amerikane.
Një email, datuar në nëntor 2010, duket se u dërgua nga Andrew tek Epstein pesë minuta pasi ishte nisur nga këshilltari i atëhershëm i veçantë, Amir Patel.
Një tjetër email, në prag të Krishtlindjeve të vitit 2010, duket se i ka dërguar Epstein një informacion konfidencial mbi mundësi investimi në rindërtimin e provincës Helmand në Afganistan.
Ndërkohë, policia e Thames Valley njoftoi se po kryente hetime në adresa në Berkshire dhe Norfolk, dy qarkete të Anglisë.
Këto detaje konsiderohen të rëndësishme, pasi Royal Lodge, ish-shtëpia e Andrew në Windsor, ndodhet në Berkshire.
Wood Farm, shtëpia ku ai është zhvendosur së fundmi brenda pronës së vëllait të tij, Mbretit Charles, në Sandringham, ndodhet në Norfolk.
Po ndodh...
ide
Mesazhet për Rama&Berisha dhe një akti i McAllister në Tiranë
Nga Roland Lami
Pse eurodeputetët duhet të takojnë Berishën?
Nga Mero Baze
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128