Lajme flash
Raportet mjekësore zbardhin vdekjen tragjike të Donika Gocajt, shkodranja thithi avullin e nxehtë të pusetës, nga ankthi i pushoi zemra
22 Maj 2026, 15:16 / AKTUALITET
Janë publikuar së fundmi raportet mjeko-ligore të cilat zbulojnë arsyen e vdekjes tragjike të shkodranes Donika Gocaj që ra në një psetë të hapur në New York sapo zbriti nga makina, ngjarje e ndodhur mbrëmjen e 19 majit.
Referuar rezultateve mjekësore të publikuara nga mediat e huaja, mësohet se Donika Gocaj vdiq për shkak të avullit të nxehtë të pusetës ku ajo ra papritmas, së bashku me traumën e përjetuar.
56-vjeçarja nga Shkodra mësohet se pësoi djegie që përfshinin lëndime termike përmes thithjes , së bashku me trauma nga goditje me forcë në pjesën e gjoksit, çka shkaktuan vdekjen e menjëhershme të saj
Ajo që mbetet e rëndë, është fakti se Gocaj nuk vdiq sepse pësoi djegie në trup, por për shkak të thithjes së avullit të nxehtë që dyshohet t’ i ketë pushuar asaj zemrën.
“Ndoshta dëmtimi më i dëmshëm ishte thithja e avullit, i cili do të kishte dëmtuar alveolat, indin në mushkëri, i cili transporton oksigjenin në qarkullimin e gjakut. Kur ato fryhen, ato nuk mund të sjellin më oksigjen. Avulli do t'i kishte shkaktuar asaj djegie të forta në lëkurë, por shkaku i vërtetë i lëndimit do të ishte thithja" tha Barbara Butcher, ish-shefja e stafit në zyrën e mjekut ligjor të qytetit.
Vdekja e Donika Gocaj la pas një plagë të pashërueshme për fëmijët e saj, djalin Armando e vajzën Esterina, si dhe për nusen Caitlin dhe dy nipërit e vegjël, Zayn dhe Abel. Ndërsa është vlerësuar nga mjekët në Neë York si një vdekje e tmerrshme dhe tejet dhimbëse.
Me një dhimbje të pashërueshme në zemër, Donika është përcjellë ditën e djeshme për në banesën e fundit, nga miq e familjarë të saj.
Si ndodhi ngjarja e rëndë:
Ngjarja e rëndë ndodhi mbrëmjen e së hënës rreth orës 23:19 pranë Fifth Avenue në Manhattan, ku shqiptarja sapo doli nga makina me të cilën udhëtonte SUV tip “Mercedes Benz” përfundoi në një pusetë të hapur e cila i shkaktoi vdekjen e menjëhershme.
Mësohet se në momentin kur zbriti nga makina, shqiptarja bëri një hap pas ku këmbët i ranë në pusetë dhe trupi i saj u zhduk nga sipërfaqja.
Sapo e panë, disa qytetarë të pranishëm u afruan për ta ndihmuar, madje raportohet se njëri prej tyre mori një palë shkallë për të zbritur e për të tërhequr trupin e shkodranes, por ndërhyrja e tij ishte e pamundur për shkak të thellësisë së pusetës.
Në pritje të mbërritjes së ekipeve të emergjencës, qytetarët e pranishëm në momentin tragjik të ngjarjes janë shprehur se për disa minuta dëgjohej zëri i Donikës e cila bërtiste për të kërkuar ndihmë.
Me të mbërritur në vendngjarje zjarrfikësit ndërhynë menjëherë ku përmes disa shkallëve u përpoqën për të hyrë në pusetë. Pavarësisht ndërhyrjeve dhe përpjekjeve për të shpëtuar shqiptaren, Donika Gocaj u nxorr nga puseta pa shenja jete.
Ajo u transportua me urgjencë në spital, por fatkeqësisht kishte ndërrua jetë që në vendngjarje.
Ndërsa raportohet se në vendngjarje nuk kishte asnjë tabelë paralajmëruese apo barriera mbrojtëse rreth pusetës së hapur.
Kompania përgjegjëse përpiqet të shfajësohet:
Në lidhje me këtë situatë që ka tronditur jo vetëm New Yorkun por dhe Shqipërinë, e më së shumti qytetin e Shkodrës ku Donika kaloi vitet e rinisë së saj Christopher J. Gorayeb deklaroi se raste të tilla nuk janë të rralla në New York dhe se mbulesat duhet të jenë të siguruara në mënyrë që të mos lëvizin aksidentalisht.
Nga ana tjetër, kompania përgjegjëse Con Edison pretendon se referuar pamjeve të sigurisë dyshohet se kapaku i pusetës ishte zhvendosur pak minuta më herët nga kalimi i një kamioni të rëndë në rrugë. Ndërsa janë shprehur se afro 12 minuta më vonë viktima parkoi makinën pranë vendit ku ndodhi tragjedia.
'Jemi thellësisht të trishtuar të konfirmojmë se një anëtar i publikut ka vdekur pasi ra në një pusetë të hapur', tha zëdhënësi i kompanisë.
'Po hetojmë në mënyrë aktive se si ndodhi kjo.' Punëtorët e ndërtimit vunë në dyshim mungesën e masave të sigurisë. "Nuk duhej të kishte ndodhur kurrë. Duhet ta kishin mbuluar përsëri ose të kishin vendosur diçka përreth," deklaroi një punëtor.
Po ndodh...
Të shtunën molotov, të enjten pazar!
Nga Bato Kosova
ide
Marrëdhëniet mëse normale dhe aspak revolucionare midis PD dhe PS
Nga Ervis Iljazaj
Pse ata u gëzuan për ngjarjet në Nepal, Venezuelë apo në Hungari?
Nga Kreshnik Spahiu
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128