Nuk arkëtuan 442 mijë euro nga taksat e parkingut, Prokuroria e Fierit dërgon në gjyq dy drejtoreshat e Bashkisë dhe drejtorin e DVKT

Prokuroria pranë Gjykatës së Shkallës së Parë të Juridiksionit të Përgjithshëm Fier përfundoi hetimet dhe dërgon në gjyq shtetasen A.H., Drejtoreshë e Përgjithshmë të Taksave dhe Urbanistikës, shtetasen A.C., Drejtoreshës së Taksave dhe Tarifave Vendore në Bashkinë Fier si dhe shtetasin V.Ç. për veprat penale ‘Shpërdorim detyre’ dhe ‘Ushtrimi i ndikimit të paligjshëm ndaj personave që ushtrojnë funksione publike’, parashikuar nga nenet 248 dhe 245/1 të Kodit Penal.

Nga hetimet mbi procedimin penal nr.68 të vitit 2025, të regjistruar kryesisht për këto dy vepra penale, rezultoi e provuar se, e pandehura A.H., në cilësinë e Drejtoreshës së Përgjithshme të Taksave dhe Urbanistikës në Bashkinë Fier, nuk ka marrë masat për vendosjen e kasës fiskale në sistemin e parkimit të Bashkisë, duke lejuar shmangien nga pagimi i detyrimeve tatimore në vlera të larta. Gjithashtu, mbi ushtrimin e ndikimit të paligjshëm prej të pandehurës mbi drejtoritë në varësi, janë realizuar faturime fiktive të subjekteve, duke i taksuar në vlera më të ulta. E pandehura A.H., ka ushtruar ndikim të paligjshëm edhe tek Drejtoresha e Takasve në Bashkinë Fier për të kryer përllogaritje të parregullt të taksave subjektit “R…” shpk, si dhe për të lëshuar një vërtetim se ky subjekt nuk kishte detyrime, ndërkohë që ai ka pasur taksa pa paguar në një vlerë të konsiderueshme.

E pandehura A.C., në cilësinë e Drejtoreshës së Taksave dhe Tarifave Vendore në Bashkinë Fier, ka lëshuar (konceptuar) fatura të taksave dhe tarifave mbi vlerën reale për subjekte të caktuara dhe, pasi u janë njoftuar subjekteve të cilët kanë bërë ankesa, vlera ka ndryshuar, duke u ulur në disa raste edhe tej parashikimeve të vendosura nga Këshilli Bashkiak. E pandehura ka realizuar faturime fiktive të subjekteve, duke i taksuar ata me taksa në vlerë më të ulët se ajo për të cilën ata duhej të taksoheshin. Gjithashtu, e pandehura nuk ka marrë asnjë masë për fiskalizimin e pikave të parkimit të mjeteve në administrimin e Bashkisë.

Ndërkohë, i pandehuri V.Ç., me detyrë Drejtor i DVKT Rajoni Jugor, me urdhrin e nxjerrë prej tij ka detyruar inspektorët të kryejnë kontroll në një subjekt tregtar, pa pasur më parë një urdhër pune nga DPT. Pas kryerjes së kontrollit, i pandehuri nuk ka kryer procedurën ligjore për të kërkuar rikontroll në Drejtorinë e Përgjithshme të Tatimeve dhe nuk ka mbikëqyrur fushatën sensibilizuese, pasi nuk është kontrolluar asnjë subjekt tjetër.

Në përfundim, Prokuroria pranë Gjykatës së Shkallës së Parë Juridiksionit të Përgjithshëm Fier dërgoi çështjen në gjyq në ngarkim të të pandehurve:

* A.H., e akuzuar për kryerjen e veprave penale “Shpërdorimi i detyrës” dhe “Ushtrimi i ndikimit të paligjshëm ndaj personave që ushtrojnë funksione publike”, parashikuar nga nenet 248 dhe 245/1 prg.3 të Kodit Penal;
* A.C., i akuzuar për kryerjen e veprës penale “Shpërdorimi i detyrës”, e parashikuar nga neni 248 i Kodit Penal;
* V.Ç., i akuzuar për veprën kryerjen e veprës penale “Shpërdorimi i detyrës”, e parashikuar nga neni 248 i Kodit Penal.

Po ndodh...

13:29 RECETA ALFA

Nga origjina te forma e prerjes, faktet që nuk i dinit për bakllavanë e festave

13:28 POLITIKË

U arrestuan në tubimin kombëtar të PD, gjykata merr vendimin për 4 protestuesit

13:08 AKTUALITET

“Populli ynë të dalë nga errësira!”/ Ipeshkvijtë e Kishës Katolike mesazh të përbashkët për t’iu dhënë shpresë shqiptarëve për Krishtlindje

13:05 POLITIKË

Luçiano Boçi: Largimi i Salianjit nga kryesia çështje teknike, ai bëri aksion jashtë strukturave

Nga Red Varaku 13:04 IDE

SPAK, kirurgu me bisturi i thirrur me vonesë, pasi shumë kishin frikë të shihnin gjakun

Nga Red Varaku

12:49 BOTA

Babagjyshi nis udhëtimin e tij për të shpërndarë dhurata, ndiqni live rrugën e tij nëpër botë

12:46 SPORT

Tonali ëndrra e Juves në merkato, “Zonja e Vjetër” bën gati planin

12:45 POLITIKË

Raporti negativ i FMN për paqen fiskale, qeveria shqiptare kundër: Nuk cenohet qëndrueshmëria fiskale, po ecim sipas direktivave të BE

12:24 AKTUALITET

Dyshohet se u pagua për 7 ndërhyrje kardiake, kalon për gjykim dosja e mjekut Edvin Prifti

12:00 AKTUALITET

Dyshohet se vranë 20-vjeçarin Pavlin Preka, Gjykata e Shkodrës cakton masat e sigurisë për dy autorët e dyshuar! Ja çfarë thanë ata për krimin

11:44 POLITIKË

Lista dhe dokumenti/ 10 deputetë pajisen me pasaportë diplomatike, kuponin e blejnë me fonde shteti! 13 paguajnë qiranë me paratë publike

11:28 AKTUALITET

Transportonte mallra kontrabandë nga Greqia, arrestohet 49-vjeçari, e pëson edhe doganieri në Kapshticë

11:15 EKONOMI&SOCIALE

Planet e Ramës për 'Paqen Fiskale'/ FMN publikon raportin për Shqipërinë: Cënon sistemin tatimor, rrezikojnë të zhbëjnë një pjesë të arritjeve

11:13 SHOWBIZ

Nga planet për martesë te vrasja e të fejuarit, historia e errët e banores së re të Big Brother VIP 5

Dua të lexoj më shumë lajme