Lajme flash
Dubai goditet nga mbetjet e raketave, Irani kërcënon se do të godasë objektivat ekonomike
13 Mars 2026, 09:40 / AKTUALITET
Një ndërtesë në qendër të Dubait është goditur nga mbetjet e një rakete të shkatërruar, pas disa shpërthimeve që tronditën zonën financiare të qytetit. Lajmi u konfirmua nga zyra e shtypit e autoriteteve lokale.
Sipas autoriteteve, mbetjet e një rakete të shkatërruar nga mbrojtja ajrore shkaktuan një incident të vogël në fasadën e një ndërtese në qendër të qytetit. Ata theksuan se nuk janë raportuar persona të lënduar.
“Autoritetet kanë konfirmuar se mbetjet e një interceptimi të suksesshëm shkaktuan një incident të vogël në fasadën e një ndërtese në qendër të Dubait”, thuhet në deklaratën e publikuar në rrjetin social X nga zyra e shtypit.
Një korrespondent i Agjencisë Franceze të Lajmeve (AFP) raportoi se në ndërtesë e dëgjua një shpërthim i fuqishëm. Një kolonë e dendur tymi ishte gjithashtu e dukshme në mëngjes mbi qytetin.
Incidenti i sotëm vjen një ditë pasi një dron u rrëzua pranë qendrës ekonomike të Dubait. Irani ka kërcënuar se do të godasë objektiva ekonomike, duke detyruar disa kompani të evakuojnë stafin e tyre nga zona.
Sipas autoriteteve të Emiratet e Bashkuara Arabe, sistemet e mbrojtjes ajrore të vendit kanë interceptuar më shumë se 1.500 dronë iranianë dhe rreth 300 raketa që nga fillimi i luftës në rajon.
Ndër objektivat e sulmeve kanë qenë edhe infrastruktura kryesore e qytetit, përfshirë Aeroporti Ndërkombëtar i Dubait, si dhe zona të njohura turistike dhe rezidenciale si Palm Jumeirah dhe hoteli luksoz Burj Al Arab.
Po ndodh...
ide
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128