“Rrezikoni përjashtimin nga Traktati për energjinë”, BE ultimatum qeverisë shqiptare: Korrigjoni shkeljet deri më 1 korrik 2026!

Zbardhen të tjera detaje nga vendimi i Ministerialit të Energjisë së Bashkimit Europian, ku ndëshkohet qeveria shqiptare sa i takon projekteve energjetike.

Siç shihet dhe nga vendimi i BE-së, duket se skandalet në të cilat është përfshirë zv/kryeministrja dhe ministrja e Energjisë, Belinda Balluku, kanë bllokuar përmbushjen e detyrave nga ana e qeverisë shqiptare në sektorin e energjisë.

Ministeriali i Energjisë së Bashkimit Europian ka vendosur të ndëshkojë qeverinë shqiptare duke dalë me një vendim më 18 dhjetor, ku theksohet se Shqipëria ka dështuar në respektimin e Traktatit të Komunitetit të Energjisë.

Sipas dokumentit të Ministerialit të energjisë, Shqipëria nuk ka miratuar dhe zbatuar ligjet, rregulloret dhe dispozitat administrative të nevojshme për t’u përputhur me Direktivën e Bashkimit Europian, që lidhet me përgatitjen për rrezikun në sektorin e energjisë elektrike.

Ky vendim i fortë i Ministerialit të Energjisë mendohet se lidhet me tre projekte ku Balluku është investuar personalisht, si TEC-i i Roskovecit, ku dyshohet si investitore edhe një korporatë ruse, anijet energjitike “Tigrat” në Vlorë dhe destabilizimi i linjave të interkonjeksionit europian për shkak të marrëveshjeve korruptive.

Bashkimi Europian ka vendosur se qeveria shqiptare duhet të raportojë gjatë vitit 2026 se çfarë hapash do të ndërmarrë në korrigjimin e problemeve të konstatuara në politikat e energjisë.

“Shqipëria duhet të marrë të gjitha masat e duhura për të ndrequr shkeljen e identifikuar në nenin 1 dhe për të siguruar menjëherë pajtueshmërinë me ligjin e Komunitetit të Energjisë. Shqipëria do të raportojë rregullisht në Sekretariat dhe në Grupin e Përhershëm të Nivelit të Lartë në lidhje me masat e marra në vitin 2026”, theksohet në vendimin e Ministerialit të Energjisë së Bashkimit Europian.

Nëse shkeljet e Shqipërisë nuk janë korrigjuar deri më 1 korrik 2026, Sekretariati ftohet të fillojë një procedurë sipas nenit 92 të Traktatit të Komunitetit të Energjisë, që parashikon pezullimin e disa të drejtave që rrjedhin nga zbatimi i këtij traktati për palën përkatëse, duke përfshirë pezullimin e të drejtave të votimit dhe përjashtimin nga mbledhjet ose mekanizmat e parashikuar në këtë traktat.

Po ndodh...

10:51 POLITIKË

Mbledhja e Sekretariatit të Etikës, PS heq dorë nga ndëshkimi për 19 deputetë, masa vetëm për 10 ligjvënës

10:49 AKTUALITET

U skualifikua për të marrë drejtimin e BKH-së, Elton Kërluku emërohet shef i Hetimit Financiar pranë SPAK

10:27 POLITIKË

EMRI/ Përplasja me molotovë drejt Kryeministrisë, mes të proceduarve edhe një zyrtar i Partisë Demokratike

10:19 AKTUALITET

Goditet sërish aktiviteti i paligjshëm i basteve, tre të proceduar në Korçë

10:05 POLITIKË

Olta Xhaçka paraqitet në Prokurorinë e Posaçme

09:52 POLITIKË

Tensionet në Kuvend/ PS kërkoi përjashtimin e 29 deputetëve të PD-së, mblidhet sot Sekretariati i Etikës

09:30 AKTUALITET

BIRN: Pagesa fiktive për çibukë e çokollata! Manipulime, zhvatje dhe pengmarrje, grupi kriminal që fshihej pas ‘Shqipërisë digjitale’

09:16 AKTUALITET

“Po të kërkojmë të bashkëpunosh, ose ke plumbin në kokë”- Dosja e SPAK për AKSHI-n, Gerond Meçe rrëfen 6 orët e rrëmbimit

08:57 AKTUALITET

Protesta e opozitës, policia procedon penalisht 6 persona dhe arreston 4 të tjerë

08:50 BOTA

Trump nuk i ndan sytë nga Groenlanda edhe pas kundërshtimeve të europianëve: Na duhet për sigurinë tonë kombëtare

08:32 EKONOMI&SOCIALE

Këmbimi valutor 23 dhjetor/ Me sa blihen e shiten dollari dhe euro, çfarë ndodh me monedhat e tjera

08:24 BOTA

Pas presionit amerikan, Kolumbia fillon spërkatjen e kokainës me dronë

08:15 AKTUALITET

Rikthehen reshjet e dëborës, parashikimi i motit për këtë të martë

08:01 JETË

Horoskopi Ditor E Martë 23 Dhjetor 2025

Dua të lexoj më shumë lajme