Nga makineritë, te lëndët djegëse dhe mineralet, si ndikon konflikti në Lindjen e Mesme në ekonominë shqiptare

Konflikti në Lindjen e Mesme nisi të shtunën me një sulm të iniciuar nga Izraeli dhe Shtetet e Bashkuara të Amerikës ndaj Iranit, për t’u përshkallëzuar më pas me kundërpërgjigje dhe zgjerim të përplasjeve drejt Emirateve të Bashkuara Arabe. Mëngjesin e sotëm u raportua se situata ka prekur edhe Libanin, duke rritur tensionet në rajon. Përveç dëmeve në jetë njerëzore dhe infrastrukturë, kriza po jep sinjale të forta edhe në ekonomi, sidomos pas njoftimit për mbylljen e Ngushticës së Hormuzit, një pikë strategjike për tregtinë globale të energjisë.

Por si mund të ndikojë kjo situatë në Shqipëri? Të dhënat tregtare të vitit 2025 tregojnë se vendi ynë ka shkëmbime të konsiderueshme me shtetet e përfshira në konflikt.

Me Emiratet e Bashkuara Arabe, importet shqiptare dominohen nga alumini dhe artikujt prej tij, me rreth 411.4 milionë lekë. Ndërkohë, eksportet drejt këtij tregu udhëhiqen nga perlat natyrale, gurët e çmuar dhe bizhuteritë me 361.1 milionë lekë, të ndjekura nga produkte ushqimore dhe lëndë djegëse minerale.

Sa i përket Izraelit, volumi i shkëmbimeve është më i lartë dhe i përqendruar në sektorin energjetik dhe teknologjik. Shqipëria importon kryesisht makineri dhe pajisje elektrike me rreth 1.62 miliardë lekë, si edhe lëndë djegëse minerale dhe produkte plastike. Nga ana tjetër, eksportet shqiptare drejt Izraelit dominohen nga lëndët djegëse minerale (745.4 milionë lekë), përgatitjet ushqimore prej drithërave, peshku dhe produktet detare, si edhe artikujt prej gize dhe çeliku.

Edhe me Libanin, ndonëse në volum më të vogël, shkëmbimet janë të strukturuara. Shqipëria importon pije alkoolike, preparate kimike, kozmetikë dhe makineri, ndërsa eksporton kryesisht artikuj prej gize dhe çeliku (127 milionë lekë), duhan të përpunuar, lëndë djegëse minerale dhe mobilie.

Ndërkohë, tregtia me Katarin është e përqendruar fort te plastika, goma dhe artikujt e tyre, me importe që arrijnë në 525.8 milionë lekë. Eksportet shqiptare drejt këtij tregu përfshijnë kryesisht produkte të industrisë kimike, ushqime të përgatitura, mjete transporti dhe instrumente optike.

Nëse tensionet vazhdojnë dhe rrugët tregtare mbeten të kufizuara, ndikimi mund të reflektohet në çmime, furnizime dhe kosto transporti edhe në tregun shqiptar, veçanërisht në sektorët e energjisë, industrisë përpunuese dhe materialeve bazë./Scantv

Po ndodh...

19:02 SHOWBIZ

Sulmohet fizikisht gazetari Burim Pacolli, i dyshuar reperi “Mossi”

19:02 POLITIKË

Foltorja/ Berisha: Rama sfidoi shqiptarët dhe ndërkombëtarët, u tha se lufta kundër korrupsionit është më e dëmshme se korrupsioni

18:40 POLITIKË

Irani kërcënon Shqipërinë, synon të bombardojë kampin e Muxhahedinëve në Manëz

18:35 AKTUALITET

Lezhë/ Drejtuesit bien për kanabis e kazino, por një emër del i paprekur

18:10 SPORT

Kevin De Bruyne kthehet te Napoli: Conte përqafon përsëri yllin e skuadrës së tij!

18:02 BOTA

Burimet qipriote: Hezbollahu i Libanit nisi dronët që shënjestruan bazat britanike në ishull

17:59 AKTUALITET

EMRI/ Turqia ekstradon në Belgjikë bosin shqiptar të drogës

17:50 BOTA

Trump për CNN: Vala e madhe e sulmeve ndaj Iranit nuk ka nisur

17:42 AKTUALITET

“Do të të pres veshët…!”/ Kërcënoi blerësin e kokainës për borxhin, trafikanti shqiptar kapet i fshehur në Barcelonë

17:31 BOTA

Operacioni/ Katari rrëzon dy avionë luftarakë rusë që vinin nga Irani, Trump nuk përjashton dërgimin e trupave në Iran

17:27 POLITIKË

“Padrejtësi”, Braçe ministres së Ekonomisë: Gjeni zgjidhje për pensionistët që s’përfituan nga skema e kompensimit

17:14 SPORT

Asani dhe Lushkja lënë Iranin, lojtarët shqiptarë kalojnë kufirin

16:52 BOTA

“Jemi në periudhë të rrezikshme”, Macron: Franca do të rrisë arsenalin bërthamor!

16:45 POLITIKË

PS mbledh nesër kryesinë! Ja çfarë pritet që të diskutohet

Dua të lexoj më shumë lajme