English
Luaj me Fjalëkryq
Lajme flash

Rama dënon sulmet e Iranit ndaj Emirateve të Bashkuara Arabe: Përshkallëzim i rrezikshëm! Akt agresioni i një shteti terrorist ndaj një vendi mik

5 Maj 2026, 18:22 / POLITIKË ALFA PRESS
Rama dënon sulmet e Iranit ndaj Emirateve të Bashkuara Arabe:

Kryeministri Edi Rama, ka reaguar pas sulmeve të fundit të Iranit ndaj Emirateve të Bashkuara Arabe.

Në një postim në rrjetin social X, Rama i cilësoi sulmet me raketa dhe dronë si një akt agresioni të pamatur, të paprovokuar dhe të pajustifikueshëm ndaj një shteti sovran dhe paqes rajonale.

Ai theksoi se Emiratet e Bashkuara Arabe janë një vend që përfaqëson paqen, stabilitetin dhe bashkëpunimin, ndërsa shtoi se sulme të tilla cenojnë sigurinë në Gjirin Persik dhe më gjerë.

Kreu i qeverisë shqiptare shprehu solidaritet të plotë me udhëheqjen dhe popullin e Emirateve, duke nënvizuar se përpjekjet për të terrorizuar vendet e lira vetëm sa forcojnë vendosmërinë për mbrojtjen e paqes dhe sigurisë globale.

Reagimi i plotë i Ramës në X:

Sulmet e ripërtërira me raketa nga shteti terrorist i Iranit ndaj Emirateve të Bashkuara Arabe mike përbëjnë një akt agresioni të pamatur, të paprovokuar dhe krejtësisht të pajustifikueshëm ndaj një shteti sovran dhe ndaj vetë paqes rajonale. Emiratet e Bashkuara Arabe u përballën sërish sot me sulme me raketa dhe dronë dhe ne, Shqipëria, e dënojmë në termat më të ashpër këtë sulm terrorist nga një regjim që vazhdon të eksportojë dhunë, paqëndrueshmëri dhe pasiguri përtej kufijve të tij.

Të godasësh Emiratet e Bashkuara Arabe, një vend që përfaqëson paqen, përparimin, stabilitetin dhe bashkëpunimin përtej feve, racave, gjuhëve dhe rajoneve, nuk është vetëm një sulm ndaj një shteti, por një sulm ndaj vetë mundësisë së paqes dhe sigurisë në Gjirin Persik dhe më gjerë.

Solidariteti ynë i plotë është me udhëheqjen, popullin dhe mbrojtësit e Emirateve të Bashkuara Arabe. Ata që përpiqen të terrorizojnë vendet e lira përmes raketave dhe kërcënimeve duhet ta dinë se veprime të tilla vetëm sa e thellojnë izolimin e tyre dhe forcojnë vendosmërinë e atyre që qëndrojnë për sovranitetin, sigurinë dhe paqen globale.

Irani duhet të mbahet plotësisht përgjegjës për këtë përshkallëzim të rrezikshëm dhe, mbi të gjitha, për hir të vetë popullit të tij, i cili mbetet peng i një regjimi që qeveris me instinkte të epokës së gurit, duke e çuar një komb të lashtë gjithnjë e më thellë drejt izolimit, terrorit dhe vetëshkatërrimit.

Po ndodh...

Dua të lexoj më shumë lajme
Nga Bato Kosova 16:37 EDITORIAL

Sali Llapa
Nga Bato Kosova

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128