Lajme flash
3-vjetori i nisjes së luftës në Ukrainë, shfaqet filmi “Kur erdhi pranvera në Bucha”
24 Shkurt 2025, 15:37 / POLITIKË
Kuvendi i Shqipërisë dhe Ambasada e Ukrainës, në trevjetorin e fillimit të luftës në Ukrainë, organizuan shfaqjen e filmit “Kur erdhi pranvera në Bucha"
Në trevjetorin e fillimit të luftës në Ukrainë, Kuvendi i Shqipërisë dhe Ambasada e Ukrainës, organizuan sot në Kryesinë e Kuvendit shfaqjen e filmit “Kur erdhi pranvera në Bucha".
Në këtë veprimtari mori pjesë Kryetarja e Kuvendit, znj. Elisa Spiropali, ambasadorë dhe përfaqësues të Trupit Diplomatik, si edhe personalitete të jetës kulturore të vendit.
Të pranishmit i përshëndeti dhe i falenderoi për pjesëmarrjen Ambasadori i Ukrainës në Shqipëri, z. Volodymyr Shkurov.
Që prej fillimit të luftës, Kuvendi i Shqipërisë ka organizuar veprimtari të shumta, në të cilat është diskutuar jo vetëm për mbështetjen e Shqipërisë dhe të komunitetit ndërkombëtar për luftën e drejtë të Ukrainës, por edhe për tragjeditë njerëzore, vuajtjet, sakrificat e pasojat e tjera në popullsinë civile.
Kuvendi ka miratuar Rezolutën për mbështetjen e palëkundur të Ukrainës, ka ftuar e dëgjuar në një video-mesazh Presidentin Zelenskyy, ka shprehur mbështetje për Parlamentin e Ukrainës; sanksionet ndaj Rusisë, kontributin e vendit tonë si bashkëpenëmbajtëse me SHBA për mbështetjen ndaj Ukrainës, gjatë mandatit si anëtare jo e përhershme e Këshillit të Sigurimit, organizimin në Tiranë të Samitit të Vendeve të Evropës Juglindore për Ukrainën si edhe pjesëmarrjen e Shqipërisë në veprimtaritë ndërkombëtare në mbështetje të luftës së drejtë të Ukrainës.
Po ndodh...
Amerika mund të tërhiqet nga Europa, por jo nga SPAK
Nga Gentian Gaba
ide
Kush është Lepuri i Surrelit?
Nga Sidi Hasanaj
Dy rrugët e gabuara të opozitës me Avokatin e Popullit
Nga Patrik Sadikaj
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128