Lajme flash
INSTAT: Transporti i mallrave nëpërmjet hekurudhave ka pësuar rënie drastike
2 Maj 2026, 20:33 / EKONOMI&SOCIALE
Zhurma e lokomotivave dhe vagonëve është dëgjuar edhe më pak në këto muaj. Sipas INSTAT transporti i mallrave nëpërmjet hekurudhave ka pësuar rënie drastike në periudhën janar-mars me 38% më pak se e njëjta periudhë e vitit të shkuar. Shkak duket se është amortizimi i rrugëve të hekurta ndërsa vijon investimi për shtrirjen e tyre me standardet e BE.
Nga ana tjetër janë lëvizjet përmes anijeve por dhe linjave ajrore ato që kanë shënuar rritje të shkëmbimit të mallrave duke lënë në hije situatën përmes vagonëve.
Porti i Durrësit kryeson në këtë veprimtari me një rritje prej 39% të mallrave. Në total përmes detit kanë hyrë e dalë nga Shqipëria 2 milion e 300 mijë tonë mallrash të ndryshme.
Edhe transporti ajror pësoi rritje të dukshme në trafik dhe në tregti. Sasia e mallrave lëvizura përmes Rinasit, duke përfshirë edhe postën ka arritur në 571 tonë.
Sa i përket lëvizjes së qytetarëve me anije kanë lëvizur 154 mijë persona në tre muaj dhe përmes avionëve rreth 2 milionë e dy qind mijë, në të dy rastet me rritje të ndjeshme. Nga ana tjetër në raportin e INSTAT nuk ka të dhëna se sa pasagjerë kanë udhëtuar me tren
Po ndodh...
Sali Llapa
Nga Bato Kosova
ide
Vetë Sali, vetë Kadi!
Nga Edison Ypi
Të gjithë kundër vrasësit, askush kundër vetes!
Nga Andrea Danglli
top
receta Alfa
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128