“Kam borxhe”/ Dështoi të grabiste bankën te Deliorgji, zbardhet dëshmia e 58-vjeçarit, sipërmarrës në ndërtim

“Kam borxhe, ndaj hyra në bankë se më duheshin lekët”. Kjo ka qenë dëshmia e shkurtër që ka dhënë sot Bardhyl Fusha, i cili hyri sot i armatosur në një bankë të Nivelit të Dytë, në zonën e ish-parkut të autobusëve.

Nga gazetarët është siguruar dëshmia e parë të 58-vjeçarit, i cili u arrestua pak minuta pasi kreu grabitjen dhe arriti të merrte 20 milionë lekë të vjetra.

Ngjarja ka ndodhur rreth orës 11:15, në një bankë të nivelit të dytë, “Fibank”, e pozicionuar pranë Pallateve Delijorgji, në Rrugën e Kavajës. Sipas informacioneve, 58-vjeçari është futur i armatosur në ambientet e bankës dhe për të frikësuar punonjësit, ka qëlluar një herë me armë zjarri në dysheme. Nga të shtënat nuk ka pasur persona të lënduar.

Nën kërcënimin e armës, ai ka arritur të marrë nga arka shumën prej rreth 20 milionë lekësh të vjetra, të cilat i ka futur në një çantë shpine. Pamjet e siguruara nga mediat tregojnë çantën e autorit të mbushur me para, si dhe momentin kur efektivi i Policisë, me armën e drejtuar ndaj tij, i bën thirrje të ulë armën dhe të dorëzohet.

Megjithatë, plani i tij për t’u larguar dështoi. Shërbimet e Komisariatit nr. 2 ndërhynë menjëherë pas njoftimit dhe e neutralizuan autorin në tentativë për t’u larguar nga vendi i ngjarjes. 58-vjeçari është prangosur në vend, ndërsa Policia ka sekuestruar armën e zjarrit dhe shumën e parave të grabitura. Në media është publikuar edhe fotoja e Fushës, i cili shihet në automjetin e Policisë i prangosur.

“Rreth orës 11:15, në Rrugën e Kavajës, shtetasi B. F., rreth 58 vjeç, dyshohet se ka hyrë në ambientet e një banke, me qëllim vjedhjen e saj, duke qëlluar me armë zjarri në dysheme. Nga të shtënat nuk ka shtetas të dëmtuar. Shërbimet e Policisë kanë ndërhyrë menjëherë pas marrjes së njoftimit dhe kanë bërë të mundur kapjen e autorit të dyshuar në tentativë për t’u larguar nga vendi i ngjarjes. Autori është shoqëruar në Komisariat dhe është sekuestruar arma e zjarrit. Në përfundim të veprimeve hetimore do të jepet informacion më i plotë për rastin”, njoftoi Policia më herët për këtë ngjarje.

Sakaq hetimet vijojnë për të zbardhur plotësisht rrethanat e ngjarjes, ndërsa dyshohet se situata e rënduar financiare dhe borxhet e akumuluara kanë qenë motivi kryesor që e shtynë sipërmarrësin e ndërtimit drejt këtij akti të rëndë.

Po ndodh...

21:47 KOSOVA

Kuvendi i Kosovës miraton rezolutën për procesin gjyqësor në Hagë

21:37 POLITIKË

Lubonja: Me vjedhjet e Ballukut, një popull tjetër do e digjte parlamentin

Nga Irena Beqiraj 21:26 IDE

Kur banditët rrethohen nga budallenjtë!

Nga Irena Beqiraj

21:16 POLITIKË

"Ping-pong me avokatët!"/ Klodiana Lala: Veliaj zvarriti procesin, tani ne i paguajmë avokatin me taksat tona!

20:59 BOTA

Tjetër largim në qeverinë britanike, Sekretari i përgjithshëm jep dorëheqjen

20:38 SHOWBIZ

“Kam me i thy kokën Mateos…”/ Biseda e Gimbo me Selin: Të dua…

20:27 POLITIKË

Shehaj, Qori dhe Lapaj bojkotojnë nismën e Ermal Hasimes për bashkimin e opozitës

20:15 SPORT

Rrëzim brutal, kinezja Jiayu Liu transportohet me slitë emergjence

20:02 AKTUALITET

“Altin Ndocin tentuam ta vrisnim me snajper në burg”, rrëfehet i penduari i drejtësisë: Nuredini e diskutonte me mua, ishte në ëndrrat e tij, por nuk e realizuam

19:46 EKONOMI&SOCIALE

14 licenca të reja për tregtim energjie në vitin 2025, numri total arrin në 130

19:33 SPORT

Shorti i Ligës A në Ligën e Kombeve: Përballje të forta mes gjigantëve të Evropës

19:19 KOSOVA

Ramush Haradinaj jep dorëheqjen si kryetar i AAK: Nuk do kandidoj për president

19:09 BOTA

BE-ja ashpërson ligjet e azilit

18:43 SPORT

Bayern dhe Lazio në gjysmëfinale të kupës, beteja për trofe vazhdon

Dua të lexoj më shumë lajme