Kur Fondi Rezervë bëhet fond për spektakël

Edi Rama ndërkohë që inspektonte ambientet e "stadiumit të improvizuar ku do të mbajë kincert këngëtari me famë ndërkombëtare, Kanye West, prano se në momentin e fundit, qeveri e tij ka ndërhyrë për të shpëtuar koncertin, (shitja e biletave), duke hedhur nga buxheti i shtetit 4 milion euro. Nëpërmjet një akti normativ këto para merren nga Fondi Rezervë i shtetit i cili përdoret vetëm për emergjenca. Ka diçka thellësisht shqetësuese kur një qeveri fillon ta trajtojë fondin rezervë të shtetit si një portofol që mund të përdoret sipas dëshirës për aktivitete që nuk kanë asnjë lidhje me emergjencat apo interesin publik të menjëhershëm.

Nuk është çështje shijesh artistike. Nuk është as debat mbi vlerën e një koncerti apo emrin e artistit që do të ngjitet në skenë. Arti dhe kultura meritojnë mbështetje publike. Por mënyra se si jepet kjo mbështetje është po aq e rëndësishme sa vetë mbështetja.

Paratë publike nuk janë pronë e qeverisë. Ato administrohen në emër të qytetarëve dhe çdo euro e shpenzuar duhet të justifikohet me transparencë, me rregulla dhe me interes publik.

Fondi rezervë nuk është krijuar për të financuar aktivitete që mund të planifikohen me muaj përpara. Ai ekziston për raste të jashtëzakonshme, për fatkeqësi natyrore, kriza apo situata të paparashikuara që kërkojnë reagim të menjëhershëm. Nëse ky parim relativizohet, atëherë vetë kuptimi i fondit rezervë humbet.

Po aq e rëndësishme është edhe natyra e aktivitetit. Kur bëhet fjalë për një event me karakter tregtar, ku organizatorët presin të ardhura nga biletat, sponsorët apo të drejtat komerciale, lind natyrshëm pyetja: pse duhet që rreziku financiar të mbulohet nga taksapaguesit, ndërsa përfitimi ekonomik të mbetet privat?
Në ekonominë e tregut, sipërmarrja shoqërohet me përgjegjësi. Kush organizon një aktivitet, merr përsipër edhe suksesin, edhe dështimin e tij. Ndërhyrja e shtetit nuk mund të shndërrohet në një mekanizëm ku humbjet socializohen, ndërsa fitimet privatizohen.
Një vendim i tillë kërkon shumë më tepër sesa një akt administrativ. Kërkon argumente publike, analizë të ndikimit ekonomik, transparencë mbi kriteret e financimit dhe një debat të hapur mbi prioritetet e shpenzimit të parave të qytetarëve.
Nëse shteti dëshiron të investojë në kulturë, kjo duhet të bëhet përmes programeve të qarta, thirrjeve konkurruese dhe kritereve të barabarta për të gjithë organizatorët. Vetëm kështu financimi publik shërben për zhvillimin e kulturës dhe jo për krijimin e privilegjeve.
Në fund, pyetja nuk është nëse një koncert është i mirë apo i keq. Pyetja është shumë më themelore: a po respektohen parimet e përgjegjësisë financiare, transparencës dhe barazisë në përdorimin e parave publike?
Në një demokraci funksionale, qytetarët nuk duhet të kërkojnë falje që bëjnë këto pyetje. Përkundrazi, është detyrë e çdo qeverie t'u japë përgjigje të qarta. Sepse çdo qindarkë e buxhetit nuk i përket pushtetit, por atyre që e financojnë atë çdo ditë: taksapaguesve shqiptarë./Alfapress.al

Po ndodh...

17:48 FJALEKRYQI

Skemë kampionësh 7 korrik

16:55 BOTA

BQE u thotë bankave më të mëdha të Evropës të përgatiten për kërcënimet kibernetike nga inteligjenca artificiale

16:07 SPORT

Vuri bast 1 milion dollarë për Meksikën, Anglia shkatërron ëndrrat e tifozit

16:04 SHOWBIZ

Inva Mula na prezanton me vajzën, Nina e vogël është bërë një zonjushë e bukur

15:48 AKTUALITET

Transportoi tonelata kokaine dhe marijuane nga Shqipëria dhe Amerika Latine në BE e Turqi, SPAK arreston kreun e grupit kriminal

Nga Neritan Sejamini 15:34 IDE

Protesta nuk ka nevojë për tutorë

Nga Neritan Sejamini

15:32 POLITIKË

Rama e pranon: Paguam 4 milion euro për të sjellë Kanye West në Tiranë

15:11 POLITIKË

Marjana Koçeku zbulon rrjetin e patronazhistëve: Janë 800 mijë profile mercenarësh virtualë, bashkitë janë kthyer në garnizone të tyre

15:03 BOTA

Zelensky bën thirrje që Ukraina të anëtarësohet në NATO

14:41 KOSOVA

Vrasja e 20-vjeçarit shqiptar në Suedi, dyshohet për atentat, arrestohet autori i dyshuar

14:29 MISTERE&KURIOZITETE

A duhet të ndryshohet temperatura e frigoriferit gjatë verës

14:11 SPORT

Inter në avantazh ndaj Como-s për Chalobah, tani zikaltrit duhet të bindin Chelsea-n

13:49 AKTUALITET

I akuzuar për trafik droge nga Amerika Latine dhe pastrim parash/ Apeli i GJKKO lë në fuqi masën “arrest në burg” për Aleks Pepën

13:29 POLITIKË

Shqiptarët i kërkojnë dorëheqjen prej 38 ditësh/ Rama fyen protestuesit që i kërkojnë llogari për milionat e investuara për koncertin e Kanye West: Sorrat dhe korbat e Bulevardit!

Dua të lexoj më shumë lajme