English
Luaj me Fjalëkryq
Lajme flash

Live/ Kosova në zgjedhje për herë të tretë në 18 muaj, edhe pak minuta nga mbyllja e procesit. Pjesëmarrja më e ulët se në dhjetor

7 Qershor 2026, 19:04 / KOSOVA ALFA PRESS

Live/ Kosova në zgjedhje për herë të tretë në 18

Qytetarët e Kosovës po votojnë sot për të zgjedhur përbërjen e re të Kuvendit, në zgjedhjet e treta parlamentare që zhvillohen brenda një periudhe prej vetëm 16 muajsh.

Ky proces vjen pas zgjedhjeve të mbajtura më 9 shkurt dhe 28 dhjetor 2025, ndërsa vendi u rikthye sërish në votime për shkak të dështimit të forcave politike për të zgjedhur presidentin dhe për të zgjidhur ngërçin institucional.

Sipas të dhënave në Komisionin Qendror të Zgjedhjeve, deri në orën 17:00 kanë votuar 8.33% e votuesve, apo 163 mijë e 329 persona.

Ndërkaq, në dhjetor të vitit 2025, deri në këtë orë kishin votuar 8.64 për qind e qytetarëve më të drejtë vote.

18:00 Zgjedhjet në Kosovë, KQZ: Deri në orën 17:00 ka votuar 27,87% i elektoratit

Sipas KQZ-së, deri në orën 17:00 të drejtën e votës e kanë ushtruar 546 mijë e 185 persona, që përbën 27,87 për qind të elektoratit të regjistruar.

16:51 Zgjedhjet në Kosovë, KQZ: Deri në orën 15:00 ka votuar 22.74% i elektoratit

Sipas KQZ-së, deri në orën 15:00 të drejtën e votës e kanë ushtruar 445 mijë e 622 qytetarë, që përbën 22.74 për qind të elektoratit të regjistruar.

14:45 Flamuri serb vendoset në një qendër votimi në Pejë, largohet nga policia e Kosovës

Në Gorazhdec të Pejës është raportuar për vendosjen e një flamuri serb në në një qendër votimi, kjo sipas mediave në Kosovë.

Sipas tyre kjo situatë ka nxitur reagim të menjëhershëm nga autoritetet, ku raportohet se Policia e Kosovës ka ndërhyrë dhe e ka larguar flamurin nga aty.

13:24 Vijon procesi i votimit në Kosovë, Presidentja në detyrë Albulena Haxhiu: Sa më e lartë pjesëmarrja, aq më e fortë demokracia jonë

Presidentja në detyrë e Kosovës, Albulena Haxhiu, ka votuar sot në shkollën “Meto Bajraktari”, në Prishtinë. Haxhiu i ka bërë thirrje qytetarëve të dalin dhe ta ushtrojnë të drejtën e tyre të votës.

11:29 Ish-presidentja Vjosa Osmani i drejtohet kutive të votimit, thirrje qytetarëve të Kosovës: Ta shfrytëzojnë të drejtën e tyre demokratike

Ish-presidentja, Vjosa Osmani ka votuar në kuadër të zgjedhjeve të parakohshme parlamentare, duke bërë thirrje për një proces të rregullt dhe demokratik. Pas votimit, Osmani uroi që procesi zgjedhor të zhvillohet në mënyrë të qetë, teksa i bëri thirrje qytetarëve të Kosovës t’i drejtohen kutive të votimit.

09:59 Zgjedhjet parlamentare në Kosovë, voton Albin Kurti/ Kryeministri thirrje qytetarëve: Sot vendosin ata që votojnë, ushtroni të drejtën tuaj

Kryeministri në detyrë i Kosovës, Albin Kurti, ka votuar në zgjedhjet parlamentare që po mbahen në Kosovë. Pasi hodhi votën e tij në kuti, Kurti u bëri thirrje qytetarëve të Kosovës të votojnë, pasi sot vendosin ata.

Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128