Lajme flash
Nga rotacioni i elitave te zëvendësimi i elitave
Nga Red Varaku
Rama & Berisha, tango e shëmtuar antiprotestë
Nga Indrit Gjyzeli
Tensione dhe sulme në Lindjen e Mesme/ Trump pas samitit në Ankara: Irani kërkon marrëveshje, por nuk di nëse ia vlen…
9 July 2026, 08:53 / BOTA
Presidenti i Shteteve të Bashkuara, Donald Trump, deklaroi se Irani ka shprehur dëshirën për të arritur një marrëveshje me Uashingtonin, por vuri në pikëpyetje besueshmërinë e Teheranit.
Duke folur me gazetarët në bordin e Air Force One, pas kthimit nga samiti i NATO-s në Ankara, Trump tha se pala iraniane kishte kontaktuar administratën amerikane.
“Irani telefonoi pak kohë më parë. Ata duan shumë të bëjnë një marrëveshje. Thjesht nuk e di nëse janë të denjë për të bërë një marrëveshje, nuk e di nëse do ta respektojnë atë,” u shpreh presidenti amerikan.
Trump theksoi gjithashtu se, sipas tij, Shtetet e Bashkuara kanë epërsi të plotë ushtarake në konflikt.
“Ne thjesht i goditëm shumë fort. Kemi fituar tashmë ushtarakisht dhe atyre u ka mbetur shumë pak,” deklaroi ai.
Deklaratat e Trump vijnë vetëm një ditë pasi ai kishte pohuar se armëpushimi ishte “i përfunduar” dhe se bisedimet me Iranin ishin “humbje kohe”, duke lënë të kuptohet se qëndrimi i administratës amerikane mund të jetë duke ndryshuar pas zhvillimeve të fundit.
Nga ana tjetër, autoritetet iraniane nuk kanë konfirmuar publikisht pretendimet e presidentit amerikan për kontaktet mes dy vendeve apo për një kërkesë të mundshme për rifillimin e negociatave.
Po ndodh...
Rama & Berisha, tango e shëmtuar antiprotestë
Nga Indrit Gjyzeli
ide
Nga rotacioni i elitave te zëvendësimi i elitave
Nga Red Varaku
Çfarë ndryshoi në 51 ditë protestë?
Nga Lutfi Dervishi
top
receta Alfa
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128