Lajme flash
Shtyhet gjyqi për çështjen “Gërdeci”! Shkak kërkesa e Fatmir Mediut
11 Shtator 2024, 17:15 / POLITIKË
ALFA PRESS
Është shtyrë edhe ditën e sotme seanca gjyqësore për ish-ministrin e Mbrojtjes, Fatmir Mediu, në lidhje me tragjedinë e Gërdecit.
Shkak është bërë vetë Mediu, i cili i kërkoi Gjykatës së Posaçme të ripërsërisë pjesërisht akt ekspertimin e dëmit ekonomiko financiar të çështjes “Gërdeci”. Seanca mbaroi rreth orës 16:00, ndërsa e radhës është caktuar më datë 18.
Sipas avokatëve të Mediut, ekspertët nuk kanë marrë parasysh një shkresë të kombinatit mekanik të Poliçanit, të vitit 2007, ku përllogariten kostot e demontimit të municioneve, duke i konsideruar të dhënat e saj të falsifikuara.
Gazetarja Anila Hoxha raporton për Top Channel se avokati Henrik Ligori i tha gjykatës se mbi dyshimet për falsifikim janë kallëzuar penalisht tre zyrtarë të kombinatit, por më pas gjykata e Beratit, ajo e Apelit Vlorë dhe Gjykata e Lartë kanë pushuar akuzën ndaj tyre.
Në këto kushte, tha avokati Ligori, të dhënat e shkresës në fjalë kanë qenë të sakta. Në vijim, avokati i kërkoi gjykatës të marrë në cilësinë e provës tre vendimet gjyqësore dhe të urdhërojë kryerjen e një akt-ekspertimi të ri të pjesshëm.
Po ndodh...
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128