Lajme flash
Ahmetaj as Pentito e as Bashkëpunëtor, qartë një mesazher i Omertà-s
30 Korrik 2024, 14:01 / IDE
NGA ALBA KEPI
Nuk ka dëm më të madh për kombin kur informacioni, lajmi, lajmsi dhe e vërteta vjen gjysmake.
E nuk ka dëm më dramatik për një vend kur injoranca injoron historinë e deontologjisë së sistemit "Pendim e bashkëpunim me drejtësinë".
Është njësoj si ata që kanë banalizuar qëllimisht kuptimin e fjalês mafia e kodin e saj bazik OMERTÀ, (shkruhet me theks, për ta nisur qysh këtu informacionin kundër injorancës).
E pra sistemi i Drejtësisë, Antimafia, njeh në Kod Penal dy tipe personash e dëshmish në luftën kundër krimit të strukturuar e sistemit Mafia:
1- I penduari
2- Dëshmitar i drejtësisë.
I penduari, e jo më kot quhet i tillë, është ai që është përfshirë në krime.
I penduar për krimet e tij ai vendos të bashkëpunojë me drejtësinë, duke pranuar fajet e duke kërkuar ulje dënimi, etj.
Bën mea colpa e dëshmon.
Bashkëpunëtori i drejtësisë nuk është i përfshirë në krime, por sjell fakte e prova të besueshme e të dokumentueshme mbi krime të kryera. Bashkëpunon me drejësinë për motive që nuk janë ulje dënimi. Ai vetë konsiderohet viktimë e një sistemi o grupimi ku bënte pjesë, e me të cilin nuk pajtohet më.
Me dëshminë e tij merret në mbrojtje nga një sistem drejtësie kombëtare e ndërkombëtare, bashkë me familjen.
E kur vendos të bëhet bashkëpunëtor, e eskluzivisht parësor është rregulli që e gjithë familja e tij deri në nivel të dytë, merret në mbrojtje nga një sistem drejtësisë internacionale, pasi në shumicën e rasteve ndryshojnë shtet qëndrim.
E pra Beni soj sorollopi i Partisë Socialiste, nuk u shfaq as si Pentito pasi as nuk u pendua për fajet e tij e të sistemit partiak që i dha postin 2 të qeverisë e pushtetin për gati dy dekada.
U shpreh se qe krenar mbi dinjitetin që i ka dhënë Partia Socialiste, e se ka dashuri të paskajshme për të.
Beni nuk u shfaq as si bashkëpunëtor drejtësie
1- Nuk solli dokumentacione, prova, analiza sic bëri Rai 3, duke vënë pranë çdo pohimi historinë, fakte e emra të skandaleve me të cilat janë dhënë 10 miliardë euro tendera. Si ministër ekonomie nga ku lëvroheshin fonde ka të gjithë informacionin e mundshëm e eskluziv për të dhënë të paktën 1% të emrave Oligarkë e klientelistë që i kanë fituar këto tenderime.
2- Egoist që mendon vec për veten duke lënë grua, ish grua, familjen, kurse vetë ngjyhet me karkaleca.
Kur Tomaso Buschetta i Cosa Nostra vendosi të bashkëpunoj me Antimafian Italiane së pari iu sigurua jeta e familjes së tij, deri në shkallë të dytë.
Deri sa vdiq nuk pranoi të quhej i penduar por bashkëpunëtor i drejtësisë që denoncoi, një sistem që nuk e pranonte më.
Ishte një mafioz me një formim fillestar por dëshmoi me prova të besueshme organizimin, rregullat, pozicionimet gjeografike, aleancat, projektet, emrat se si Mafia siciliane Cosa Nosta ishte e lidhur me Partinë Demokrazia Cristiana italiane e se Kryeministri i asaj kohe Giulio Andreotti, ishte i përfshirë në afera me mafien.
Dëshminë e tij mbi aferat shtet-mafia e dha pas një pakti që arriti me Autoritetet amerikane.
Vendosi ta bëj pas vrasjes së magjisrtatëve Antimafia Falcone e Borsellino më 1982.
Deri në këtë moment ishte limituar në dëshmi ndaj krimeve të mafias.
Sot deontologjia e Drejtësisë në nivel bashkëpunimi ndërkombëtar ka evoluar në perfeksion, e Beni soj sorollopi dashnor i Partisë, i ka të gjitha mjetet e mundësitë të nis një denoncim e një bashkëpunim me drejtësinë europiane e amerikane.
Ka frikë?
Po është e vërtetë i frikshëm sistemi socialist që ai e soji i tij ka fuqizuar deri sot.
Frikë ka cdo shqiptarë, nga gazetari që telefonohet se solli një të vërtetë, deri tek fëmijët e ngujuar për muaj nga ky sorollop race nga vjen Beni.
Beni nuk u shfaq mbrëmë as Pentito, e as Bashkëpunëtor.
PS: Në intervistën tjetër Beno kujto dhe krimet komuniste që PS, ish- PK, bëri me familjet shqiptare e jo vetëm hebrejtë.
Partia jote Ben, familjet shqiptare që strehuan hebrejtë, i burgosi e i internoi, deri në pushkatim.
"Në të sëmës! Sorollopi yt"!
Po ndodh...
Doktor Fisheri dhe Doktor Penxhereja
Nga Namir Lapardhaja
ide
top
TRENDING 
shërbime
- POLICIA129
- POLICIA RRUGORE126
- URGJENCA112
- ZJARRFIKESJA128