Parandalohet ngjarja e rëndë/ Kërcënoi me thikë vajzën e tij, arrestohet 58-vjeçari në Lushnje

12 Prill 2024, 13:09 / AKTUALITET ALFA PRESS

Parandalohet ngjarja e rëndë/ Kërcënoi me thikë

Arrestohet një 58-vjeçar në Lushnje pasi dhunoi dhe kërcënoi vajzën e tij me thikë.

Pas njoftimit të 19-vjeçares është arrestuar babai i saj si dhe është sekuestruar thika.

Gjithashtu është arrestuar i shpalluri në kërkim Agron Musta, i dënuar me një vit burg për veprën penale dhunë ndaj bashkëshortes. Me rastet do të merret Prokuroria e Fierit.

Njoftimi i Policisë:

Ndërhyrja në kohë e shërbimeve të Policisë parandalon një ngjarje të mundshme kriminale në familje.

Arrestohet në flagrancë 58-vjeçari që ushtronte dhunë fizike ndaj vajzës së tij dhe e kanosi atë me mjet prerës. Sekuestrohet mjeti prerës (thikë).

Gjithashtu, kapet dhe ndalohet një shtetas në kërkim, i dënuar me 1 vit burgim, për dhunë në familje.

Pas njoftimit se një shtetase 19 vjeçe ishte dhunuar fizikisht dhe ishte kanosur për jetën, nga babai i saj, shërbimet e Komisariatit të Policisë Lushnjë kanë ndërhyrë menjëherë për kapjen e këtij shtetasi dhe parandalimin e përshkallëzimit të dhunës. Si rezultat i ndërhyrjes së menjëhershme të shërbimeve të Policisë është arrestuar në flagrancë shtetasi V. C., 58 vjeç, banues në Lushnjë. Shërbimet e Policisë kanë sekuestruar në cilësinë e provës materiale mjetin prerës (thikë) me të cilin dyshohet se ky shtetas ka kanosur vajzën e tij. 

Si rezultat i kontrolleve të vazhdueshme në terren, në zbatim të masave të planit operacional “Sundimi i ligjit”, shërbimet e Komisariatit të Policisë Lushnjë kanë kapur dhe vënë në pranga shtetasin në kërkim Agron Musta, banues në Lushnjë, të cilin Gjykata e ka dënuar me 1 vit burgim, pasi ka ushtruar dhunë ndaj bashkëshortes së tij. 

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.

 

Po ndodh...