English
Luaj me Fjalëkryq
Lajme flash

EMRI/ I kishte shitur makinën, por 24 vjeçari e shmangte... Si ndodhi plagosja në Bathore, vihet në pranga autori

6 Nëntor 2025, 09:42 / AKTUALITET ALFA PRESS

EMRI/ I kishte shitur makinën, por 24 vjeçari e shmangte... Si

Policia e Tiranës ka zbardhur ngjarjen e ndodhur një ditë më parë në Bathore, ku mbeti i plagosur me armë zjarri një 24-vjeçar.

Pas veprimeve hetimore intensive, është identifikuar, kapur dhe arrestuar autori i dyshuar, shtetasi Donaldo Bajrami, 24 vjeç.

Sipas policisë, ngjarja ndodhi në rrugën “Ali Këlçyra”, ku gjatë një konflikti për motive të dobëta, D. B. dyshohet se ka qëlluar me armë zjarri bashkëmoshatarin e tij E. V., 24 vjeç, duke e plagosur në krah.

Mësohet se autori i dyshuar i ka shitur makinën të plagosurit, por nuk kishin bërë aktin e shitjes. Doaldo Bajrami i kishte kërkuar disa herë që të shkojnë tek noterja për të bërë kalimin e pronësisë së mjetit nga emri i tij tek Elvis Visha.

Ky i fundit e kishte shmangur këtë gjë pasi njihet si përdorues i lëndëve narkotike dhe kishte frikë se mos bënte ndonjë aksident dhe nuk donte që makinën e blerë t’a kishte në pronësi të tij.

Visha i kishte thënë Bajramit se makinën e ka shitur tek një person tjetër. Por autori i dyshuar e kishte parë duke qarkulluar me makinë dhe pastaj në banesën e tij mori çiften dhe e qëlloi duke e plagosur.

I plagosuri ndodhet në spital, jashtë rrezikut për jetën, ndërsa policia vijon punën për gjetjen e armës së krimit.

Ndaj autorit të dyshuar rëndojnë akuzat për “Vrasje me dashje” të mbetur në tentativë dhe “Mbajtje pa leje e armëve dhe municionit”.

Materialet hetimore i janë referuar Prokurorisë së Tiranës për veprime të mëtejshme.



Po ndodh...

Dua të lexoj më shumë lajme

ide

top

receta Alfa

TRENDING

shërbime

  • POLICIA129
  • POLICIA RRUGORE126
  • URGJENCA112
  • ZJARRFIKESJA128